Маја Шупут ги воодушеви своите следбеници на Инстаграм со тоа што претстави нов член во своето семејство. Пејачката објави фотографија на која позира со слатко кученце и откри дека неговото име е Токио.
Поврзани објави
„Нашето семејство доби уште еден мал член! Неговото име е Токио и веќе успеа да ги украде сите наши срца“, напиша Маја покрај серија фотографии од себе, Блум и Емил како поминуваат време со кученцето.
Таа откри дека Токио е со нив само неколку дена, но дека веќе донел многу радост во нивниот дом. Особено е среќна што гледа како новото милениче се сложува со нејзиниот син Блум.
„А тоа што гледам како Блум и Токио го откриваат светот заедно е посебна радост. Две мали момчиња, едно големо пријателство кое штотуку започнува“, рече таа.
Додаде дека не знае кој кого го направил посреќен, но дека е сигурна дека нивниот живот со новото милениче станал уште поубав.
