Table of Contents
Влажноста, остатоците од храна и собната температура создаваат услови во кои микроорганизмите лесно се размножуваат, па само миењето не е доволно.
Кујнскиот сунѓер е еден од предметите што ги користиме речиси секојдневно, но токму поради начинот на кој го употребуваме може да стане место каде што се задржуваат голем број микроорганизми. Иако најголемиот дел се безопасни бактерии од околината, во сунѓерите можат да се најдат и патогени како салмонела, кампилобактер, стафилококи, E. coli и листерија.
Причината е едноставна – сунѓерот ја впива водата, сапуницата и ситните остатоци од храна. Притоа, најчесто останува влажен и на собна температура, што создава поволна средина за размножување на бактериите. Ако по користењето остане на дното од мокар мијалник и не се исцеди добро, условите стануваат уште попогодни за нивно размножување.
Не е доволно само да го исплакнете
За темелно чистење на сунѓерот се наведуваат две практични методи – микробранова печка и машина за садови. Според тестирањата наведени во изворот, со овие методи може да се отстранат повеќе од 99,999 проценти од бактериите.
Доколку се користи микробранова печка, сунѓерот треба целосно да се натопи со вода и претходно да се провери дали има метални делови. Таков сунѓер не треба да се става во микробранова. Потоа се загрева на најсилна температура една до две минути.
Другата можност е машината за садови. Сунѓерот се поставува на горната полица, со избрана програма која вклучува сушење на висока температура или циклус за дезинфекција.
Поврзани објави
Еве како да го одржувате подолго
По секоја употреба најважно е сунѓерот добро да се исцеди и да се остави на место каде што воздухот може да циркулира околу него. Жичен држач, на пример, овозможува полесно сушење од сите страни.
Корисно е и да се користат различни сунѓери за садови и за работните површини. Особено треба да се избегнува бришење сокови од сирово месо или живина со сунѓер. За такви површини се препорачуваат хартиена крпа и средство за чистење или дезинфекциски марамчиња.
Кога сунѓерот веќе нема што да бара во кујната?
Дури и ако редовно го дезинфицирате, сунѓерот не треба да се користи бесконечно. Препораката наведена во изворот е да се менува еднаш неделно.
Сепак, постојат знаци по кои можете веднаш да препознаете дека е време за нов. Ако почне да се распаѓа, добие црни дамки од мувла, развие непријатен мирис или стане лигав на допир – време е за канта.
pexels – kujna
