Еден едноставен трик ќе ви помогне колачињата да ја задржат формата, да не се лепат и по печењето да останат крцкави однадвор и ронливи одвнатре.
Со доаѓањето на постудените денови, повторно се вадат модлите за колачиња, а кујната се исполнува со мирис на путер, ванила и цимет. Но, при подготовката на колачиња со модли често се појавува ист проблем – тестото е премеко и се лепи или, пак, е премногу суво и пука.
Тајната е во правилно подготвеното тесто, кое треба да биде доволно цврсто за да ја задржи формата, но и доволно ровко за колачињата по печењето да се топат во уста. За ова се потребни остро брашно, ладен путер, шеќер во прав и жолчки. За основниот рецепт се користат 400 грама брашно, 250 грама путер, 80 грама шеќер во прав и две жолчки, со малку ванилин шеќер.
Поврзани објави
Најважниот чекор доаѓа откако ќе го замесите тестото. Ставете го во кеса и оставете го во фрижидер околу 15 минути. Потоа развлечете го на набрашнета површина, со дебелина од околу еден сантиметар, и исечете ги посакуваните форми. Ако тестото повторно омекне додека работите, вратете го во фрижидер уште неколку минути. Не додавајте премногу брашно, бидејќи колачињата може да станат тврди.
За есенска варијанта, во тестото можете да додадете цимет, малку мелен ѓумбир, морско оревче или рендана кора од портокал. Колачињата се редат во тава и се печат во загреана рерна на 180 степени околу седум минути. Важно е да останат светли, бидејќи дополнително ќе се зацврстат додека се ладат. Ако се лепат – повторно разладете го тестото, а ако се распаѓаат – оставете го кратко на собна температура пред повторно да го премесите.
pexels – kolaci
