Температурата се спушти до само еден степен, а снегот предизвика забавување на сообраќајот на сите пристапи кон познатиот туристички центар.
На Копаоник денеска падна првиот снег, само еден ден пред официјалниот почеток на есента. Според податоците на Републичкиот хидрометеоролошки завод, во 15 часот температурата изнесувала еден степен над нулата, а умерениот снег продолжувал да паѓа. Снежните врнежи ги израдуваа љубителите на планината, но сè уште е рано за почеток на скијачката сезона.
Поради снегот, сообраќајот на сите пристапи кон Копаоник се одвива забавено. Иако првата снежна покривка на оваа планина низ годините била забележувана во периодот од почетокот на септември до крајот на ноември, просечно се формира меѓу 10 и 15 октомври.
Септемврискиот снег најчесто е тенок и краткотраен, додека пообилните врнежи обично следуваат кога првата снежна покривка ќе се појави подоцна во есента. Сепак, временските услови на Копаоник знаат да донесат и големи изненадувања, како што покажа и минатата година.
На 4 октомври 2025 година на Копаоник биле измерени дури 59 сантиметри снег, со што бил соборен апсолутниот октомвриски рекорд за висина на снежната покривка откако се вршат метеоролошки мерења. По три дена непрекинати снежни врнежи, силен североисточен ветер и температури под нулата, планината тогаш изгледала како да е среде зима.
Screenshot FB
