Тони Сенекал две децении работел за Доналд Трамп и тврдел дека неговиот поранешен работодавач бил исклучително пребирлив кога станува збор за храната.
Тони Сенекал, кој две децении работел како батлер на Доналд Трамп на неговиот имот Мар-а-Лаго на Флорида, во едно интервју раскажал за прехранбените навики на американскиот претседател. Според него, Трамп често барал чизбургер со кечап, а кога не јадел брза храна, најчесто избирал стек, и тоа добро испечен.
Сенекал тврдел дека зеленчукот речиси воопшто не бил дел од неговото мени.
Ако има зеленчук во чинијата, тој го игнорира. Тоа е тоа“, рекол поранешниот батлер во интервју за Inside Edition.
Неговите изјави повторно го привлекоа вниманието на јавноста поради долгогодишните коментари за односот на Трамп кон храната.
На темата претходно зборувал и поранешниот лекар на Трамп, Рони Џексон, кој открил дека морал да бара од готвачите да кријат карфиол во пире од компири. Од друга страна, министерот за здравство Роберт Ф. Кенеди Џуниор ја опишал исхраната на Трамп како „многу лоша“, додавајќи дека при патувањата со него стекнувал впечаток дека јаде нездраво во текот на целиот ден.
Самиот Трамп, пак, во јавноста ја бранел својата љубов кон брзата храна. Тој изјавил дека на 79 години се чувствува исто како кога имал 29 и се запрашал дали брзата храна навистина е полоша од другите видови храна. Според него, познавал луѓе кои строго внимавале на исхраната и тежината, но сепак починале, додека тој сè уште се чувствува добро.
Freepik
