Познатиот фолк-пејач Халид Муслимовиќ (65) повторно ја разбранува јавноста со искрени признанија за својот живот, љубовите и бурната младост. Во гостувањето во емисијата „Амиџи шоу“, пејачот отворено зборуваше за периодот кога беше на самиот врв на популарноста и важеше за еден од најголемите заводници на балканската естрада.
Повод за разговорот беше неговата колешка Весна Змијанац, која се присети на огромното внимание што Муслимовиќ го уживал од обожавателките во времето на неговата најголема слава. Таа раскажа дека жените го чекале речиси во секој град низ поранешна Југославија.
Кога водителот Огњен Амиџиќ директно го праша со колку жени бил во врска, Халид без многу размислување даде бројка која ги изненади сите во студиото.
Пејачот призна дека никогаш не водел прецизна евиденција, но проценува дека станува збор за околу 300 жени. Тој со доза на хумор се присети на својата младост, велејќи дека тогаш бил „малку луд и многу популарен“.
Поврзани објави
Но, љубовниот живот на Муслимовиќ не е единственото нешто за кое тој проговори без влакна на јазикот.
Во својата автобиографија „Мене ме учеше времето“, пејачот открива детали од трите свои брака, но особено внимание привлече неговото пишување за ќерката Ена, која денес живее во Виена.
Муслимовиќ откри дека со години го носи сомнежот околу нејзиното татковство. Според неговото сведоштво, дури подоцна од роднини дознал информации кои го натерале да се посомнева дека неговата тогашна сопруга можеби забременила од друг маж во период кога тие биле разделени.
Поради тоа, пејачот не крие дека сака да направи ДНК-тест, со кој конечно би ја дознал вистината и би ставил крај на долгогодишните сомнежи.
Муслимовиќ со овие признанија повторно покажа дека зад животот на големата балканска ѕвезда се крие приказна исполнета со љубов, слава, бурни врски, но и со прашања на кои, како што самиот вели, сè уште го бара конечниот одговор.
