ПроКредит Банка АД Скопје го информираше пазарот за промена во составот на Управниот одбор.
Согласно известувањето објавено на веб-страницата на Македонската берза, Народната банка на Република Северна Македонија донела решение со кое е дадена претходна согласност за именување на Маја Михајлова за член на Управниот одбор на ПроКредит Банка АД Скопје, со мандат од четири години.
По оваа промена, Управниот одбор на банката го сочинуваат четири члена:
Емилија Спировска
Светче Кузмановски
Милан Дамчевски
Маја Михајлова
Од банката наведуваат дека промената е објавена согласно законската регулатива и Правилата за котација на Македонската берза.
Известувањето е доставено до Македонската берза на 13 август 2026 година, а во прилог е доставена и копија од решението на Народната банка.
