Познатиот француски актер, режисер и визуелен уметник Арно Денис (42) доживеа вистинска трагедија по, навидум, безначајна медицинска интервенција.
Рутинската операција на препонска кила што ја имаше во 2023 година, за која лекарите тврделе дека е едноставна, го однесе неговиот живот во неподнослива агонија.
Операцијата вклучуваше вградување синтетичка мрежеста протеза што требаше да му помогне и да му го подобри квалитетот на животот. Наместо тоа, тој почна да страда од силни хронични болки што се шират низ телото, значително го ограничуваат движењето и негативно влијаат на секојдневните активности.
По операцијата, неговата здравствена состојба се влошувала со месеци. Болките стануваале постојани, а физичката способност постепено исчезнувала, што го однесе во болница за понатамошна нега и испитувања.
Поради сериозните последици и намалениот квалитет на животот — неможност да работи нормално, ограничено социјално функционирање и постојано чувство на страдање — Арно Денис изјавил дека се чувствува како да нема живот и сака да умре.
Новинарските извештаи наведуваат дека тој размислува за асистирано умирување (еутаназија) во Белгија, каде што тоа е легално, како начин да ѝ стави крај на својата мизерија.
Според извештаите, Денис тврди дека по операцијата „нема нормален живот“. Тој повеќе не може да излегува од дома, да остварува социјални контакти или да ужива во активностите што порано му носеле задоволство.
Како што истакнува, „изгубил сѐ што го прави животот човечки“, а неговите здравствени проблеми продолжуваат да се влошуваат со текот на времето.
Фото: Printscreen
