Во сенка на ужасот што го потресе елитното швајцарско зимско одморалиште Кран‑Монтана за време на новогодишната ноќ, една мајка ги споделува својата неподнослива неизвесност и стравот за судбината на својот син.
„Не знам дали мојот син е во болница или во мртовечница“, со солзи во очите раскажува Летиција, чиј син бил меѓу оние што влегле во преполниот бар во кој избувна катастрофалниот пожар околу 01:30 часот на 1 јануари.
Семејството доживеа најголем траорен момент: пред да настане пеколот, младиот човек резервирал голема маса и бил многу возбуден да ја прослави Новата година со пријателите. Испратил порака до мајка си во 00:03 часот со „Среќна Нова година, мама“, а кога пожарот избувнал, последниот абер од него била снимка со пријателите на која се гледаат запалени свеќи и пиротехнички ефекти на масите.
Летиција со болка вели дека не добиле никакви конкретни информации каде се наоѓа нејзиниот син, дали е хоспитализиран или меѓу загинатите.
Поврзани објави
Не знам во која болница е, а ако е во мртовечницата, не знам во која од нив… Ова не е само мој проблем, туку мака што ја споделуваат многу родители овде“, вели таа.
Трагичниот пожар во барот „Le Constellation“ – кој беше полн со млади луѓе што го прославуваа доаѓањето на Новата година – се претвори во една од најтешките мирнодопски катастрофи во Швајцарска историја. Според најновите официјални податоци, пожарот однесе најмалку 47 животи, а над 115 лица се повредени, многу од нив со тешки изгореници и во критична здравствена состојба.
Надлежните истражни органи сè уште работат напорно за да ги утврдат точните околности што довеле до трагедијата, како и идентитетот и локацијата на сите жртви.
