Едноставен рецепт со ореви, чоколадо и глазура, совршен за празничните моменти
Овие срца од чоколадо и ореви се совршен избор за посната трпеза за време на божиќните празници и славите. Освен што едноставно се приготвуваат, нивната форма на срце ќе ја украси трпезата, а благодарение на глазурата, изгледаат како мали уметнички дела.
Состојки:
- 200 г мелени ореви
- 150 г шеќер во прав
- 100 г мелени бисквити
- 100 г рендано црно чоколадо
- 100 г маргарин
- малку рум (по вкус)
- малку чоколадо за глазурата
Приготвување:
Поврзани објави
Во поголем сад измешајте мелени ореви, шеќер во прав, мелени бисквити и рендано чоколадо. Додајте омекнат маргарин и неколку капки рум. Сите состојки добро замесете ги со раце додека добиете изедначена смеса. Смесата треба да биде доволно цврста за да може да се расучува, но и лесно да се обликува.
Посипете малку шеќер во прав на работна површина, за да не ви се лепи смесата. Ставете ја смесата на површината и расучете ја со сукало на дебелина од околу 0,5 см. Внимавајте да не биде премногу тенка, за да не пукаат колачињата при вадењето од калапите.
Извадете срца со калапи. Секое колаче внимателно префрлете го на плех или на чинија обложени со хартија за печење. Оставете ги колачињата да се исушат малку, барем 15-20 минути, за да се стабилизира формата.
Стопете чоколадо за глазура на пареа или во микробранова. Секое срце премачкајте го со тенок слој чоколадо. По желба, можете да додадете и украси, како мелени јаткасти плодови, шеќерни декорации или мали златни бисерчиња.
Оставете глазурата да се стегне на ладно место. Потоа, колачињата се спремни за послужување, а со изгледот ќе ја збогатат вашата славска или новогодишна трпеза.
