Во врска со состојбата со депонијата во Струга, Министерството за животна средина и просторно планирање соопштува дека Општината има обврска континуирано да ја одржува и чисти, заради спречување на потенцијални еколошки и здравствени опасности и да се гарантира основно ниво на заштита на околината и здравјето на жителите.
Од Министерството за животна средина и просторно планирање, потенцираат дека остануваат отворени за асистенција во рамките на своите компетенции, но одговорноста за редовното администрирање и одржување на депонијата е на локалната власт.
“Министерството за животна средина и просторно планирање потсетува дека управувањето со комуналниот отпад е законска обврска на општините.”
Според Националниот план за управување со отпад 2021–2031 и регионалните планови, општините се задолжени да обезбедуваат прибирање, пренесување, селекција и отстранување на отпадот на нивната територија.
Во моментов се работи на формирање на регионален центар за преработка и средување на отпад, кој ќе овозможи долгорочно и систематско решение за управување со отпадот во регионот.
Меѓутоа, додека овој центар не биде подигнат и пуштен во употреба, општина Струга има задача редовно да ја одржува и исчисти постојната депонија, со цел да се избегнат понатамошни еколошки и здравствени ризици и да се осигури минимален стандард за заштита на животната средина и благосостојбата на граѓаните, се заклучува во извештајот од МЖСПП.
