Владата на Чешка денес го санкционираше набавувањето на тенкови „Леопард 2А8“ од Германија, како дел од процесот на модернизација на војската.
Чешката министерка за одбрана, Јана Чернохова, изјави дека во почетната фаза, Чешка има план да купи 44 тенкови за 34,2 милијарди круни (1,63 милијарди долари), кои се очекува да бидат доставени во периодот од 2028 до 2031 година, со можност за дополнителна набавка на уште 14.
Таа додаде дека Чешка исто така е во преговори за набавка на 19 специјализирани варијанти на 2A8 според одделен договор, што ќе го зголеми вкупниот број на тенкови „Леопард“ 2A8 на 77. “Ќе продолжи купувањето на лесно оружје од чешкиот производител на оружје „Чешка Збројовка“, од групацијата „Колт ЦЗ“, како дел од рамковен договор до 2031 година,” изјави Чернохова.
Војската, исто така, ќе набави 18 лесни оклопни возила од ЛПП, за 32,6 милиони фунти.
Чешка Република ја обновува својата војска со нова западна опрема, вклучувајќи набавка на хеликоптери и радари, како и гасенични борбени возила и авиони Ф-35, а истовремено ги зголемува средствата за одбрана поради конфликтот во Украина.
Чешка минатата година одобри купување на постари тенкови „Леопард 2А4“ од германската компанија „Рајнметал“, а исто така доби и други од Германија како дел од програмата за надомест за опрема испратена од Прага во Украина.
ми/фото: ЕПА .
