Летото носи уживање во морето, но и ризици од непријатни каснувања и убоди од морски жители како медузи, ракови и морски ежови.
Овие повреди може да бидат болни и да бараат итна грижа за да се избегнат компликации.
1 Медузите се најчести виновници за убоди во морето.
Тие имаат специјални клетки со отровни краци, кои може да предизвикаат силна болка, црвенило и пецкање. Ако ве касне медуза, избегнувајте триење на кожата и веднаш исплакнете ја раната со морска вода.
2 Раковите можат да каснат ако се почувствуваат загрозени
Нивните клешти може да предизвикаат рани кои често крварат и се подложни на инфекции. Ако ве касне рак, исчистете ја раната темелно и превијте ја.
3 Морските ежови имаат остри, кршливи игли што ја пробиваат кожата
Поврзани објави
Убодот е болен и понекогаш иглите остануваат во ткивото. Не обидувајте се сами да ги вадите со игла ако се длабоко навлезени, побарајте медицинска помош.
4 Никогаш не користете слатка вода за испирање на убод од медуза
Слатката вода може да го активира отровот и да ја влоши болката. Секогаш исплакнете со морска вода и користете сода бикарбона ако е можно.
5 Потешки реакции бараат итна медицинска интервенција
Ако имате оток, потешкотии со дишењето, вртоглавица или силна болка, веднаш побарајте лекарска помош.
ПОТСЕТНИК: Безбедноста на плажа е на прво место. Внимавајте каде газите и пливате, носете заштитни обувки и избегнувајте контакт со морските животни. Секогаш бидете подготвени за брза реакција ако ви се случи непријатност.
Текст: Бојана Стојменовиќ
