Соседите на пејачката Ана Николиќ одлучија да проговорат за она што веќе подолго време го трпат, а што, како што тврдат, одамна станало нивно секојдневие.
По скандалот и физичката пресметка со композиторот Горан Ратковиќ Рале, екипата на „Информер“ го посети нејзиното соседство во Вождовац, и во таа пригода разговаравше со жителите на нејзината мирна и оддалечена улица.
Сцените на кои сме сведоци навистина се мачни. Ана умее да биде прекрасна и љубезна, но често целосно ја губи контролата. Се случува ноќе да тропа со потпетиците во зградата, да вреска и често да паѓа во влезот. Тоа е вистинска агонија за неа и за сите нас – изјавил за порталот информер.рс еден од станарите на зградата.
Соседите додаваат дека не се изненадени што нејзиниот брат и мајка ѝ го свртеле грбот.
Колку и да звучи сурово, ние ги разбираме. Ана умее да биде неподнослива. Во моментите кога се повлекува и кога е мирна, сите гледаме дека во суштина е добра личност, но нејзиното однесување често излегува од секоја контрола – додал соговорникот.
За односот на Ана со Рале, со кого неодамна дошло до жестока расправија и физички судир, соседите имаат поделени мислења.
Врската беше бурна, да не се лажеме. Ана постојано викаше на него, расправиите се слушаа и надвор. Но сакам да нагласам – секој вид насилство е неприфатливо и никој од нас не го поддржува. Тоа што таа застранила не значи дека требало да го трпи Рале. Поради Раста таа го изгуби компасот, а врз Рале падна сиот товар – истакнува една сосетка.
Поврзани објави
На крај, жителите подвлекуваат дека не се против Ана, но се надеваат дека ќе најде начин да излезе од маѓепсаниот круг.
Таа не е лоша, само го изгубила компасот. Се надеваме дека ќе се прибере, затоа што вака не може ниту таа нормално да живее, ниту Рале – порачаа соседите.
Да потсетиме, Ана го пријави поранешниот партнер Рале за насилство, по што композиторот доби мерка забрана за приближување. Пејачката повеќепати се огласуваше по повод конфликтот, а преку социјалната мрежа Инстаграм сподели снимка на која се гледаат нејзиното повредено лице и маицата натопена со крв.
Текст: Информер.рс
Фото: Printscreen Instagram
