Турската Управа за справување со катастрофи и вонредни ситуации (АФАД) изврши евакуација на 2.619 граѓани, откако државата се соочи со низа големи пожари во шумите во текот на оваа седмица, во повеќе области, пренесе весникот „Дејли сабах“.
Огнената стихија, предизвикана од исклучително високи температури, интензивен ветер и сушен период, ги ангажираше илјадниците спасувачи и волонтери кои се вклучени во справувањето со пожарите.
Тимовите дејствуваат од воздух и од земја, а според информациите од АФАД, вкупно се мобилизирани 4.231 лице, 45 авиони и 1.236 возила.
Најтешката случка се случи во средата, во селскиот предел на покраината Ескишехир, каде што животот го загубија десет луѓе – петмина вработени во шумарството и пет члена на организацијата АКУТ за активности за пронаоѓање и спасување, додека се бореле со огнената катастрофа.
Претседателот на Турција, Реџеп Тајип Ердоган, во петокот изјави дека во гаснењето учествуваат 27 авиони, 105 хеликоптери, 6.000 моторни возила и 25.000 лица. Тој изрази сочувство до фамилиите на жртвите. “Тој изрази сочувство до семејствата на загинатите.”
ссм/фото: архива. Извор: МИА
