Table of Contents
Главните состојки на доцната вечера што ја одобруваат експертите се варени јајца и авокадо
Повеќето од нас барем еднаш почувствувале силен глад навечер, пред спиење – и тогаш посегнале по нешто брзо и тешко. Но нутриционистите истакнуваат дека доцната вечера не мора да му биде непријател на здравјето ниту на витата линија, доколку знаеме точно што да јадеме. Вистинската комбинација на лесно сварливи протеини, здрави масти и зеленчук може да го подобри сонот, да ја намали подуеноста и да го подобри варењето во текот на ноќта.
Ви откриваме едноставен, а вкусен рецепт за вечера што нутриционистите ја препорачуваат кога ќе огладнете многу доцна, а сакате да се разбудите со леснотија и без чувство на тежина во стомакот.
Идеално за:
- доцна вечера (по 21 часот)
- лесен сон без чувство на подуеност
- добра работа на цревата
- низок гликемиски индекс
Поврзани објави
Состојки (за 1 лице):
- 150 г грчки јогурт (со 2 отсто масти или помалку, со пробиотици)
- 1 варено јајце
- 1/2 авокадо
- 1 грст рукола или млад спанаќ
- 1 мал морков, изрендан
- 1/2 краставица, сечкана
- малку лимонов сок
- 1 лажиче маслиново масло (ладно цедено)
- прстофат сол и бибер
- по избор: лажица семки од тиква или сончоглед
Приготвување:
Во длабока чинија ставете рукола, морков и краставица. Преку зеленчукот распоредете сечкано варено јајце и авокадо. Прелејте со лимонов сок и маслиново масло. Додајте јогурт од страна (или измешајте го како прелив). Посолете, забиберите по вкус и по желба, посипете малку семки.
ФОТО: Egidijus Bielskis / Unsplash
