Кајли Џенер откри детали за естетската операција за зголемување на градите, којаа ја направила на само 19 години кај познатиот хирург д-р Гарт Фишер.
Кајли Џенер, една од најпознатите членки на семејството Кардашијан-Џенер, е препознатлива по својот беспрекорен изглед, но ретко отворено зборуваше за естетските интервенции низ кои поминала – сè до сега. На директно прашање од обожавателка на Тикток, која ја праша како може да има толку совршени, а притоа природни гради, Кајли без двоумење одговори. Без никаква задршка ги сподели деталите од интервенцијата:
445 кубици, среден профил, поставено под мускул! Силикон!“
Со оваа изјава предизвика бран позитивни реакции.
@rachleary Replying to @Kylie Jenner ♬ Bad boy piece of information – .
Во истиот одговор го наведе и името на пластичниот хирург кому му ја доверила операцијата – д-р Гарт Фишер од Беверли Хилс, познат и по работата со нејзините сестри Кортни и Клои Кардашијан.
Бидејќи денес Кајли има 27 години, многумина се потсетија на нејзината изјава од серијата The Kardashians, дадена пред неколку месеци, кога откри дека ја направила операцијата на 19 години – пред да ја роди својата ќерка Сторми. Во ретроспектива, таа изрази и извесно жалење за донесената одлука:
Имав преубави, природни гради – совршена големина, совршена форма. Би сакала никогаш да не ги чепкав.“
@shazzacarpenter Kylie Jenner had denied plastic surgery rumours for years but on the latest episode of #TheKardashians she admits to getting breast implants. #kyliejenner #kylie #karjenners #stassiebaby ♬ original sound – Sharon Carpenter
Нејзината искреност предизвика пофалби и благодарност од следачите, кои ѝ порачаа дека е „вистинска кралица“ поради тоа што отворено и без срам споделува информации. Иако во минатото тврдеше дека зголемувањето на градите е резултат на хормоналните промени и зголемувањето на тежина, денес Џенер јасно и отворено потврдува нешто за што долго се шпекулираше – со доза на хумор, додавајќи:
Се надевам дека помогнав.“
Оваа искреност доаѓа во период кога сè повеќе познати личности отворено зборуваат за своите естетски интервенции. Очигледно, Кајли решила да застане на страната на автентичноста – без филтри и без срам.
Тоа претставува голем пресврт, особено ако се земе предвид дека до пред само неколку години тврдеше дека ништо не направила на своите усни, туку дека нивниот изглед е резултат на нејзините сопствени козметички производи, врз кои ја изгради својата бјути-империја.
Видео: Тикток
