Поранешната тенисерка Ана Ивановиќ го отвори летото во голем стил – и тоа во, како што многумина коментираат, нејзиното најсмело издание досега. Објавата од егзотичниот Маврициус ја воодушеви јавноста и собра илјадници лајкови и коментари за само еден час.
На фотографиите, Ана носи модерен едноделен костим за капење на австралискиот бренд Christopher Esber, со цена од 387 евра. Иако технички станува збор за едноделен модел, дизајнот со длабоки изрези околу струкот и деколтето создава оптичка илузија на дводелен костим. Декоративните метални детали од месинг, стратешки поставени, дополнително го нагласуваат впечатокот на софистицирана провокативност.
Овој моден избор на Ивановиќ, која е позната по својот префинет стил, претставува отстапување од нејзиниот вообичаено класичен имиџ, но јавноста го пречека со ентузијазам.
Поврзани објави
Елеганција со доза на смелост”, напишал еден следбеник. Други пак ја нарекоа фотографијата „вистинска летна разгледница“.
Ана моментално се наоѓа во Париз каде што го следи Ролан Гарос – турнирот кој го освои во 2006 година, запишувајќи се како една од најуспешните тенисерки на своето време. Но, пред престижните трибини и спортската атмосфера, нејзините следбеници имаа можност да уживаат во летната безгрижност која ја прикажа на плажите на Маврициус.
Фото: Printscreen Instagram
