Вежбите се потребни за здравјето на телото
Подигнувањето на нозете на ниво над главата е совршена вежба ако сте го поминале денот на нозе. Штом ги подигнете нозете на ѕид, на пример, ќе ви се појави чувство на леснотија во нозете и во целото тело, а заморот ќе ви исчезне.
Што да направите?
Легнете на под близу ѕидот. Подигнете ги нозете високо на ѕидот. Оваа опција е одлична ако сте стоеле цел ден. Освен тоа, ова е едноставен и ефикасен начин да спречите и да одбегнете влошување на проширените вени.
Се препорачува да ја заземате оваа положба најмалку двапати дневно во времетраење од 2-3 минути или повеќе ако сакате да го зголемите енергетскиот тонус на вашето тело и да се опуштите.
1. Најлесниот начин да ги држите нозете над главата е да легнете на под и да ги потпрете стапалата на ѕид. Обидете се да го исправите горниот дел од грбот. Оддалеченоста меѓу задникот и ѕидот треба да биде најмалку 8-10 см.
Поврзани објави
Ако немате ѕид во близина, можете да легнете со нозете над главата или едноставно да ставите неколку перници под нозете за да ви бидат над нивото на срцето.
Започнете ја вежбата со една минута, па постепено зголемувајте го нејзиното траење. Ако нозете почнат да ви се лизгаат по ѕидот, свртете се на страна, па седнете. Не се препорачува брзо станување по оваа вежба, бидејќи може да почувствувате вртоглавица.
2. Поставете дланките на колената, со прстите свртени кон стапалата. Полека исправете ги рацете. Ако ги опуштите колковите и карлицата, тежината на вашите нозе ќе се префрли на рацете. Оваа поза многу го опушта телото и се нарекува поза на смиреноста.
Стабилна рамнотежа во оваа положба се постигнува со потпирање на тилот и горниот дел на ‘рбетот. Не е лесно да се пронајде рамнотежа, но не е толку тешко како што се чини на прв поглед.
Обидете се најмалку 10-12 пати.
Со текот на времето ќе го правите ова автоматски. Особено внимавајте ако имате проблеми со вратот или горниот дел на ‘рбетниот столб.
