Лидерот на Специјалното јавно обвинителство за борба против корупцијата и организираниот криминал, Алтин Думани, истакна дека корупцијата на високо ниво во Албанија се извршува на префинети начини, посочувајќи бројка за високи функционери кои биле фатени од СПАК.
“Во борбата против корупцијата, под истрага се 33 високи функционери, за 19 од нив веќе се води судска постапка. Во текот на 2024 година имаше правосилни казни за десет јавни функционери.”
Истрагите покажаа дека корупцијата се одвива на сложени начини, рече Думани, презентирајќи го годишниот извештај во Високиот судски совет.
Тој изнесе состојба на одземени имоти, кои “бележат значителен раст споредено со претходната година”.
“Во споредба со 2023 година, вкупната вредност на запленетите и конфискувани средства е повисока за 59 отсто. Вредноста на запленетите средства е 28,7 милиони, а на конфискуваните 36,7 милиони евра.”
Бројот на лица во затвор од истрагите на СПАК е 9,5 проценти од вкупниот број затвореници. “Имаме 145 предмети со 765 обвинети, а судењето продолжува за 91 предмет”, нагласи Думани.
Според него, се констатира намалување на извештаите од Државната полиција, но се зголемуваат случаите поведени од граѓаните, што е “показател за зголемена доверба во СПАК”.
