Телевизиската водителка и модел Мишел Хунзикер прошета низ Милано со своите ќерки. Фотографите успеаја да снимат неколку фотографии од оваа убавица, која се чини дека со годините изгледа помладо.
Мишел Хинзикер има 48 години, а на нејзиниот изглед би можеле да ѝ позавидат и девојки дупло помлади од неа. Таа се прошета низ градот во лежерно издание, кое го надополни со црна чанта, изгледајќи како девојче.
Инаку, убавата водителка со швајцарски корени не можеше да му одолее ниту на познатиот пејач Ерос Рамазоти, со кого ја доби ќерката Аурора, на која Ерос ѝ ја посвети својата иконска песна „L’aurore“, додека за Мишел го напиша хитот „Più bella cosa“.
Нивната љубов беше осудена на пропаст поради култот Воини на светлината, чиј член пет години беше Мишел, а строгите правила ѝ забрануваа сексуални односи, алкохол, пушење, па дури и мастурбација.
Деталите за сектата што ја напушти ги откри во нејзината биографија „A Seemingly Perfect Life“, во која меѓу другото напиша дека живеела со верувањето дека е сестра на Исус и реинкарнација на нацистичка невеста.
Поврзани објави
Рамазоти неуспешно се обидуваше да ѝ го посочи нивното лошо влијание, но на крајот тоа го осуди нивниот брак. Тие поднесоа барање за развод во 2002 година, а тој беше финализиран дури седум години подоцна.
Бракот со Рамазоти на оваа жена родена во Швајцарија и овозможи италијанско државјанство, како и бројни водителски ангажмани на големите италијански ТВ-станици.
Денес се во добри односи, а по разводот, Ерос најде утеха во 25 години помладата манекенка Мариса Пелегринели, со која се ожени по пет години врска во 2014 година, но се разведе во 2019 година. Заедно имаа две деца, синот Енцо и ќерката Емилија.
Фото: Инстаграм
