Се прашуваме дали на нашите миленици, исто како и нас, им треба можност за избор и впечаток дека тие ги држат работите под контрола?
Сите сме доживеале да нè изгребе куче или мачка затоа што ги тераме да прават работи што не им се допаѓаат. Сите ние исто така сакаме да ги галиме нашите миленици, а тоа е една од причините зошто ги имаме – но дали се прашуваме дали тие тоа го сакаат или не?
ГАЛЕЊЕ, НО КОГА?
Еден начин да откриете дали вашето куче или мачка сака да се гали е да ја спуштите раката на подот или до вашето домашно милениче и да видите дали ќе се движи кон вас. Можете да го повикате ако сакате, но не ставајте му ја раката на лицето – тоа нема да му се допадне. Држете ги на безбедно растојание на кое морат да одлучат дали сакаат да пријдат или не.
Може да помогне да се спуштите на нивното ниво, особено со куче или мачка што е исплашено. И не зјапајте во нив, бидејќи тоа може да го сфатат како закана. Ако вашата мачка дојде, ви ја душне раката и си замине – за жал, таа не сака да ја галите во тој момент, но ако ја трие главата или дури и целото тело од вас, тоа веројатно значи дека би сакала да ја погалите. (Зошто ја тријат главата од вас? Мачките таложат феромони кои се важен сигнал за комуникација за нив.)
Истото е и со кучето: ако вашето куче ви ја душне раката и си замине, не сака да го галите. Но ако ви ја турка и душка околу – сесијата на галење може да почне.
КАДЕ ДА ГИ ГАЛИМЕ МАЧКИТЕ И КУЧИЊАТА?
Поврзани објави
Мачките генерално претпочитаат да ги галите по лицето во близина на мирисните жлезди лоцирани на брадата и образите, меѓу очите и ушите, каде што имаат помалку крзно, и околу нивните усни. Може да сакаат да ги галите и под брадата, но генерално не сакаат да ги допирате во близина на опашката.
Ако сте направиле грешка и сте се обиделе да го погалите стомакот на вашата мачка, веројатно на потешкиот начин ќе научите дека кога мачката ќе се испружи и ќе го покаже својот стомак, тоа не значи дека бара од вас да ја галите.
Општо земено, кучињата претпочитаат да бидат галени на страната на градите или на рамениците, или блиску до врвот на градите под брадата, но не се толку воодушевени кога луѓето ќе се подигнат за да им го допрат врвот на главата.
Обидете се да не се наведнувате над нивната глава додека ги галите. Исто така, тие обично не сакаат да се галат или да се држат за муцката или вратот. И кучињата не бараат од вас да им го галите стомакот кога ќе се превртат и ќе ви го покажат.
Повторно, секое куче е различно, затоа обрнете внимание на тоа пред вас – за да разберете што сака. И за кучињата и за мачките, правило е да се галат во насока на растот на влакната, а не обратно.
Подготвила: Лидија Ќулибрк
