Пејачката Мина Костиќ конечно стави крај на шпекулациите дека го „измислила“ партнерот – Каспер е реален, љубовта е сериозна, а плановите се повеќе од јасни. Двојката отворено призна дека веќе размислува за проширување на семејството и дека активно работи на тоа.
Во последното интервју, Мина без задршка зборуваше за нивната врска и желбата да стане мајка:
„Пет деца. Веќе работиме на тоа, чисто да ве информирам. Од првиот ден е како да се знаеме сто години. Тој е толку добар, едно големо дете, веднаш го препознав тоа. Многу сме слични во многу работи“, искрено раскажа пејачката.
Мина истакна дека Каспер ѝ е огромна поддршка – не само емотивно, туку и во секојдневниот живот и работата:
Поврзани објави
„Цело време беше со мене додека бев дома. Ми помагаше психички, ментално, духовно, па дури и финансиски“, откри таа.
И Каспер не крие дека својата иднина ја гледа покрај Мина и дека планира да остане поврзан со Србија, иако ќе патува:
„Моите идни планови се врзани за Србија, да бидам на релација Њујорк – Белград“, изјави тој.
Во свој стил, Мина додаде и доза хумор, со порака што предизвика лавина реакции: „Тој ќе биде тука додека не забременам. Ова е убава вест – шириме љубов“.
Очигледно е дека пејачката никогаш не била посреќна, а јавноста со интерес ќе следи дали наскоро ќе пристигне и најубавата можна вест – бебе.
