Јордан ги забранува дејствувањата на Муслиманското братство и го запленува нивниот имот, откако членови на групата беа поврзани со план за дестабилизирање на државата, објави денес министерот за внатрешни работи Мазен Ал-Фараја.
Минатата седмица Јордан соопшти дека спречил шеми насочени кон рушење на националната сигурност и приведе 16 лица.
Во телевизиско обраќање, Ал-Фараја изјави дека властите откриле дека членови на Муслиманското братство се вмешани во дестабилизирачки активности, вклучувајќи и чување експлозиви и оружје во населени места.
По претресите, групата се обидела да уништи документи за да ги сокрие своите дејствија, додаде тој.
Министерот истакна дека сите дејствувања на Муслиманското братство ќе бидат забранети, нивните простории ќе бидат затворени, дури и доколку се во партнерство со други ентитети, а исто така ќе се конфискува и имотот. Тој рече: “Сите активности на Муслиманското братство ќе бидат забранети, неговите канцеларии ќе бидат затворени, дури и ако се во партнерство со други субјекти, а ќе се конфискува и имотот.”
Судот нареди распуштање на Муслиманското братство во 2020 година, во она што аналитичарите го оценија како обид да се ограничи влијанието на нивната група во кралството.
Кралството исто така забрани промовирање или објавување содржини за Муслиманското братство, рече Ал-Фараја. “Кралството исто така забрани промовирање или објавување содржини за Муслиманското братство”. Не е јасно дали тоа ќе има ефект врз политичката партија.
Муслиманското братство е формирано во Египет пред приближно 100 години, каде што сега е забрането и класифицирано како терористичка организација.
