Главниот играч на Денвер, Никола Јокиќ се брза да се врати во Србија бидејќи има трки со коњи во недела, не е мнгоу заинтересиран за парадата со која ќе се прослави историската титула.
Познато е дека Никола Јокиќ колку што ја сака кошарката, толку ги сака и коњите. Тој вели дека ако остане во САД за парадата во четврток, ќе треба да го побара клупскиот авион за да стигне во Србија до недела кога неговите коњи учествуваат во трка.
„Кога е парадата? Кога? Во четврток? Ух, морам да си одам дома. Во недела имам трка на коњи и не знам како ќе стигнам ако во четврток морам да бидам на парадата. Можеби ќе треба во петок да тргнам, ќе побарам да ме пуштат, во спротивно ќе го барам клупскиот авион за да стигнам навреме“, рече Јокиќ и ги насмеа присутните на прес-конференцијата.
Извор: sport1.mk
