Јапонците поради алкохол и цигари ја исфрлија младата ѕвезда од тимот за Олимписките игри

Капитенката на јапонската женска гимнастичарска репрезентација, Шоко Мијата (19) нема да учествува на Олимписките игри во Париз откако ги прекршила правилата поврзани за пушење цигари и консумирање алкохол.

Mладата девојка признала дека во текот на јуни испила алкохолен пијалак и запалила цигара, а по враќањето била исфрлена од олимписката база. Пушењето цигари и пиењето алкохол се забранети во Јапонија за лица помлади од 20 години, па и тоа е најголемата причина поради која е исфрлена. Тренерот Мусуми Харад порача дека однесувањето на Мијата била непромислено.

„Поминуваше денови во кои имаше голем притисок. Би ги замолил луѓето да ја разберат“, изјави Харад.

Мијата е актуелна јапонска шампионка, а на Светското првенство во Ливерпул освои бронза.