На полноќната проекција на филмот „Брзи и бесни“ во рамките на Кански филмски фестивал, особено внимание привлече актерката Џордана Брустер со своето исклучително смело модно издание.
Нејзиниот фустан со проѕирни детали и впечатлив крој веќе се вбројува меѓу најпровокативните модни комбинации видени годинава на црвениот тепих во Кан.
Актерката на настанот пристигна заедно со Вин Дизел и Мишел Родригез, со кои со години ги дели главните улоги во прочуениот филмски серијал. На премиерата се појави и Мидоу Вокер, ќерката на покојниот Пол Вокер, чие име и натаму има посебно место меѓу фановите на франшизата.
Со својот стајлинг, Џордана Брустер јасно покажа дека го следи трендот на таканаречените „голи фустани“.
Моделот што го носеше беше изработен со детали од тантела и проѕирни сегменти по должина на телото, оставајќи впечаток на исклучително храбар моден избор.
Особено внимание привлекоа транспарентните делови што дополнително го нагласија кројот на фустанот и целокупната комбинација ја направија уште попредизвикувачка.
Интересно е што ваков тип тоалета во претходните години можеше да биде во спротивност со правилата на фестивалот за премногу провокативни изданија, но многу познати личности во последните сезони сепак ги игнорираат тие ограничувања.
На црвениот тепих беа забележани и раскошни фустани со долги шлепови, иако и тие порано беа предмет на ограничувања, а меѓу ѕвездите што се одлучија за таков стил беше и Деми Мур.
Видео: Инстаграм
