Гаилардија е цвет што многумина го обожаваат, бидејќи одличен е за оние што сакаат да имаат убава градина, а немаат време да ѝ се посветат
Можеби пролетта не е толку близу, но нам ни се сади цвеќе. Во потрага по совршениот цвет кој буквално е неуништлив, цути цело лето и трае додека ви досади, ја најдовме гаилардијата!
Најдоброто кај овој цвет е тоа што може да се сади буквално секаде: во саксии на тераса, пред балкон, во заеднички парк пред зграда, во леи во двор…
Американците го нарекуваат овој цвет „меко ќебенце“, бидејќи расте густи, цути богати ја претвора градината во миризлива, шарена прекривка по која плевелот нема шанси.
Ако сè уште не ве убедивме да насадите гаилардија, ви откриваме уште 6 причини поради кои сигурно нема да можете да ѝ одолеете…
1. Гаилардија е повеќегодишно растение со продолжен период на цутење. Цути од јуни до октомври, а градината ќе ви биде полна со жолти и портокалови цветови.
Поврзани објави
2. Пеперутките го обожаваат ова цвеќе. Замислете си само како ќе ви живне градината кога на неа ќе слетаат прекрасни пеперутки со шарени крилја. Покрај пеперутки, овој цвет привлекува и други опрашувачи, па можете да ги насадите во оранжерии за да си обезбедите опрашувачи за домати, пиперки, краставици…
3. Многу лесно се сади. Доволно е да купите само еден примерок од овој цвет и да го распределите таму каде што сакате да никне. Исто така, уште сега може да ги насадите во затворен простор, а да ги расадите во мај штом помине студот. Потоа, не мора да се грижите веќе, бидејќи наредната година, овој цвет самиот ќе никне.
4. Овој цвет е отпорен и на сонце и на суша. Одлично се согласува со лаванда или некое друго зачинско билје и таа комбинација во леите е вистински рај за очите. Полевајте го кога ќе се сетите.
5. Одлично ја покрива земјата и ја спречува појавата на плевел. Не мора ни да ги отстранувате старите цветови. Исушената глава на цветот може да ѝ го продолжи животот на секоја билка, овозможувајќи ѝ да заштеди енергија наместо да произведува семе.
6. Постојат неколку феноменални бои на овој цвет. Доколку не можете да се одлучите за една, одберете ги сите: жолта, портокалова, црвена…
ФОТО: Marina Yalanska / Unsplash
