Вечер полна со поезија, музика и сеќавања – Убавина и здравје

На 1 февруари, Македонската Филхармонија се претвори во времеплов на емоции, стихови и спомени. Раде Шербеџија уште еднаш и’ докажа на македонската публика зошто важи за мајстор на сцената.

Секоја негова рецитација и музичка изведба ги оставаше присутните без здив, но особено трогателен момент беше изведбата на „Елена ќерко“ во дует со актерката Јана Стојановска, која познатиот актер и’ ја посвети на Фросина Кулакова, девојката што трагично го загуби животот во сообраќајна несреќа на „Партизанска“.

За време на концертот, Шербеџија рецетираше стихови од Чехов и Крлежа, а вечерта ја заврши со рецитација на „Не дај се Инес“ и со тоа им приреди незаборавна уметничка вечер на македонските обожаватели.