Пред музичката кариера, пејачката работела како водителка на временска прогноза и токму од телевизија тргнал нејзиниот пат кон сцената
Емина Јаховиќ денес важи за една од најпопуларните пејачки на регионалната сцена, но малкумина се сеќаваат дека пред музиката работела на телевизија. Уште како тинејџерка била дел од медиумскиот свет во Нови Пазар, каде водела временска прогноза.
Телевизијата била во сопственост на Елма Синановиќ и нејзиниот сопруг, а токму Елма подоцна ѝ помогнала на Емина да зачекори во музичките води. Таа во едно гостување откри дека Јаховиќ била „најубавата водителка на временска прогноза“, но дека отсекогаш сакала да пее и дека ја упатила кај Дино Мерлин, што се покажало како вистински потег.
И самата Емина во повеќе наврати со носталгија зборувала за тој период. Истакнала дека токму работата на телевизија и радио ѝ помогнала да ја покаже својата креативна слобода, која подоцна ја насочила кон музиката и јавниот живот.
По некое време, Јаховиќ целосно ѝ се посвети на музичката кариера. Својот прв албум „Осми дан“ го издаде во 2002 година, со што официјално започна нејзиниот пат кон големата сцена.
printskrin youtube – Blic TV – Emina Jahovic
