Познатата ТВ-презентерка зборуваше за својот брак, машко-женските односи и факторите што според неа се пресудни за една врска да трае.
ТВ-презентерката Татјана Стојановска во емисијата „Нешто конкретно“ зборуваше без задршка за љубовта, бракот и односите меѓу мажите и жените. Разговорот со водителката Снеже Велков започна со едно наизглед едноставно прашање – зошто Стојановска ги користи двете презимиња. Со доза хумор, таа објасни дека така „се знае дека жената е мажена“.
Потоа темата се префрли на она што ги одржува партнерите заедно на долг рок. Според Стојановска, привлечноста и физичкиот изглед можат да бидат важни во почетната фаза на една врска, но со текот на времето стануваат важни сосема други нешта. Таа смета дека партнерите треба да имаат слични интереси, да бидат компатибилни и заедно да се движат во иста животна насока.
Поврзани објави
Стојановска нагласи и дека односот со партнерот може директно да влијае врз тоа како една жена се чувствува и како ја доживува сопствената убавина. Ако во врската има постојани расправии, недостаток на внимание и незадоволство, според неа, тоа неизбежно остава трага и врз жената. Таа смета дека вистинската убавина не е само физичкиот изглед, туку и внатрешната и емотивната состојба на човекот.
Говорејќи за љубомората и вниманието што привлечната жена може да го добива од други мажи, Стојановска вели дека тоа не треба да биде причина за проблем во бракот. Според неа, доколку жената има јасни граници и го почитува партнерот, туѓото внимание не може да ја загрози врската. Стојановска е во брак со Михаил Китановски, со кого претходно била во десетгодишна врска, а се венчаа во јуни 2023 година на интимна прослава во Скопје.
tatjana s – printskrin youtube
