Министерката за труд и социјална политика, Јованка Тренчевска, денеска во 11:30 часот ќе додели дозволи за вршење дејност од социјална заштита на давателите кои ќе ја спроведуваат социјалната услуга – Центар за дневен престој на стари лица за активно стареење во општината Крива Паланка, најавуваат од Министерство за труд и социјална политика.
На настанот пред седиштетото на Црвениот крст во Крива Паланка ќе присуствуваат и градоначалникот на Крива Паланка, Сашко Митовски и секретарот на Црвениот крст во оваа општина, Дарко Пешевски.
Развојот на оваа социјална услуга, како дел од спроведувањето на сеопфатната социјална реформа во земјава, е финансиран од Проектот за подобрување на социјалните услуги, што го спроведува Министерството за труд и социјална политика, со поддршка на Светска банка.
сх/лв/Фото: МИА Архива .
Извор: МИА
