На неодамнешното трета ексклузивна забава на магазинот Hello!, сите го вперија погледот кон една личност – младиот и шармантен фитнес тренер Матео Патрљ од Имотски. И не беше случајност што познатата пејачка Северина не се сликаше со никој друг освен со него!
Матео Патрљ не е само тренер со исклучителна физичка форма, туку и магистер по кинезиологија со повеќе од десет години искуство во фитнес индустријата. Специјалист е за креирање персонализирани тренинг програми и планови за исхрана кои им помагаат на жените да ги постигнат своите фитнес цели на здрав и одржлив начин, без строги диети и измачување.
Поврзани објави
Неговата филозофија е јасна: вистинскиот успех доаѓа преку долгорочни здрави навики, нешто што често го истакнува и во своите видеа на инстаграм, каде што има речиси 16.000 следбеници. Но, Матео не е само озбилен тренер – тој е вистински мајстор за хумор и социјални забелешки, па често ги забавува своите следбеници со духовити и сатирични видеа на разни теми, како што е неговата популарна шега „Како изгледа просечен млад комплексар“.
Матео не само што плени со својот изглед и знаење, туку и со својот шарм и природна харизма. Затоа не е ни чудо што токму тој го освои вниманието на Северина, која на црвениот тепих позираше само во негово друштво.
Дали ова ќе биде почеток на нова љубовна приказна или пак само пријателство родено од заедничката страст кон фитнесот? Со сигурност, Матео е име кое ќе го слушаме уште долго време.
