Да се биде со пациентите на нивната смртна постела често значи дека лекарите и медицинските сестри се тие кои ќе ги слушнат нивните последни зборови, пишува LADBible. И некои од тие последни зборови пред смртта ги прогонуваат цел живот.
Еден корисник на социјалните мрежи ги праша лекарите и преостанатиот медицински персонал на Редит:
Кои беа најморничавите последни зборови што сте ги слушнале од пациент пред да почине?“
Одговорите беа неверојатни. Повеќе од 2.000 медицински професионалци ги споделија своите приказни.
Човек во црно
Едно медицинско лице се присети на застрашувачкиот момент кога една жена тврдела дека видела маж облечен во црно само неколку моменти пред да се онесвести, што го преплашило докторот толку многу што не сакал да биде во собата потоа.
Една драга постара дама ѝ кажа на медицинската сестра дека сака да биде облечена цела во бело. На прашањето зошто, таа рече: ‘Човекот во црно е тука’. Таа гледаше во аголот од собата. Медицинската сестра погледна, но немаше никој таму“, вели докторот.
„Ја замоливме да ни опише што видела, а таа рече: ‘Носи црно и има шапка’. Потоа шепна ‘и очите му се црвени’ додека очите ѝ се движеа низ собата веднаш зад медицинската сестра, како да го гледаше како ни се приближува. Таа почина подоцна истата ноќ. Но смртта 1 беше неочекувана. Таа соба ме плашеше долго време потоа“, додава тој.
Посета на мајката
Една медицинска сестра пишува за една 83-годишна жена која ѝ рекла:
Мајка ми е тука. Ајде да одиме?“, и починала неколку минути подоцна.
Претчувство
Поврзани објави
Една постара госпоѓа рекла: „Мислам дека ќе умрам денес…“.
Медицинската сестра напиша:
Ѝ ги проверивме виталните знаци и се’ изгледаше добро. Таа беше стабилна. А почина од срцев удар еден час подоцна“.
Посета од ангел
Медицинската сестра се присети на работата на оддел со пациенти кои имале деменција и Алцхајмерова болест.
Таа напиша:
Мојот омилен пациент често паѓаше, па многу често го проверував. Долго разговаравме и се шегувавме, но во последните две недели од животот тој целосно престана да зборува и не прифаќаше разговори и зборови упатени кон него воопшто.
Завршив со давањето на дозата на лекот за вечерта и отидов да го видам пред да спијам. Му реков дека ќе одам да спијам и дека ќе го посетам следниот ден, а тој ме погледна во очи и се насмевна толку искрено и ми рече: ‘Изгледаш како ангел’. Мислев дека тоа е толку слатко затоа што тој не изгледаше здраво неколку недели. Почина следното утро.
Исповед пред смртта
Еден хирург сподели:
Еден човек на смртната постела постојано повторуваше: ‘телото е во шумата кај дабот’ сè додека не умре. Полицијата беше известена и ја пребараа шумата зад куќата на мажот, но никогаш не најдоа ништо.“
