Овој парфем е олицетворение на луксузот и префинетоста
Длабок, мрачен и проткаен со мистерија, софистициран и смел истовремено. Веројатно ова е најдобриот опис за парфемот Black Orchid, а истото може да се каже и за Том Форд, човекот што го креирал овој мирис.
Ова е тип на парфем што води во некој друг свет. Совршено ќе ѝ стои и на интригантна дама што шета низ Милано во сатенски фустан, но и на лежерна жена што отишла до продавница – совршен е за секоја пригода.
Историјата на мирисот Black Orchid
Том Форд бил во потрага по ретка црна орхидеја, која сметал дека е совршен цвет, бидејќи е елегантна и претставува симбол на чистотата и луксузот, па дури и најмил експерт да ја одгледува исклучиво за него. Тој бил опседнат со потрагата по најтемната орхидеја на светот.
Овој парфем првично бил лансиран во 2006 година. Форд осмислил креативна визија за унисекс мирис, кој е моќен, незаборавен, единствен и мистериозен.
Парфимерите од куќата Givaudan совршено ги оствариле неговите желби. Форд бил практичен при секој чекор, почнувајќи од самиот мирис, преку дизајнот на шишенцето до рекламната кампања. Црната орхидеја на Том Форд била пред своето време. Кога била лансирана, темјанот не бил вообичаена нота, а сега го има во многу парфеми. А мирисите на ванила експлодирале кога станува збор за нивната популарност.
Поврзани објави
- Се отвора со гурмански горни ноти на земјен тартуф и црна рибизла, балансирани со сладок иланг-иланг и цитрусен бергамот.
- Во срцето на овој парфем се истакнува црната орхидеја, а нејзиниот темен цветен акорд се претопува во топли зачини и цветни ноти на јасмин, гарденија и лотос.
- Основата комбинира пачули, сандаловина, ветивер, балсам, темјан, ванила и доза на темно чоколадо.
Модерен и безвременски, овој мирис трае импресивно долго на кожата. Како што минуваат часовите, така станува уште побогат. Со текот на времето се развива, од зачинет преку земјен до сладок.
Како да го носите Black Orchid?
Овој парфем е како смел, убав, темноцрвен кармин со многу сјај – во теорија можете да го носите каде било, и преку ден, но најдобро е да го сочувате за вистинската пригода. Сладок и заводлив, тој е најдобриот избор за вечерно излегување. Идеален е за секоја вечер кога сакате да се чувствувате гламурозно и прекрасно.
Ставете го овој парфем секогаш кога ќе посакате да си ја кренете самодовербата или кога едноставно сакате да се чувствувате луксузно.
За речиси две децении, Black Orchid несомнено стана еден од најпознатите мириси на Том Форд. Овој парфем на најдобар можен начин ја претставува познатата куќа, која е синоним за елеганција, шик и урбана префинетост со доза на сексапил.
ФОТО: Siora Photography / Unsplash, Пинтерест
