Амал Клуни излегла на вечера со својот сопруг и во таа пригода го облекла најпрактичното издание што ѝ ласка на секоја жена
Џорџ и Амал Клуни деновиве уживаат на езерото Комо, додека излегуваат со пријателите речиси секоја вечер. Тие биле забележани во еден престижен хотел, а во таа пригода Амал носела црна кратка маичка на едно рамо и тесно макси-здолниште што го искомбинирала со високи потпетици и соодветни златки обетки.
Својата долга коса ја пуштила да паѓа слободно во бранови преку грбот, додека шминката ја свела на минимум.
Црната и тесна облека визуелно ја истанчува фигурата, па затоа ѝ прилега на секоја жена. Високите потпетици издолжуваат, а маичката што ја открива линијата на стомакот прави нејзината половина да изгледа уште потенка.
Инаку, Амал е позната по модниот минимализам, што значи дека таа секогаш изгледа максимално средено и стилизирано.
Поврзани објави
Езерото Комо важи за луксузно летувалиште во Италија и многу е популарно меѓу елитата. Џорџ Клуни поседува еден имот со децении пред да го купи и соседниот, кои ги споил и така станал сопственик на еден од најголемите приватни имоти во таа област.
Од 2022 година, вредноста на неговата вила со 25 соби е проценета на повеќе од 100 милиони долари.
Џорџ им раскажал на медиумите дека езерото Комо има посебно значење за него, бидејќи таму првпат ја видел Амал.
„Мислев дека е убава, но мислев и дека е смешна и очигледно паметна“, рекол тој за својот прв впечаток.
