СРБИЈА ПОВЛЕКУВА ОД ПАЗАРОТ МАШИНИ ЗА СУШЕЊЕ АЛИШТА ОД ПОЗНАТ БРЕНД Има опасност од струен удар

          Министерството за внатрешна и надворешна трговија преку својата служба НЕПРО соопшти дека ја повлекува машината за сушење со топлинска пумпа „Бош“ од српскиот пазар поради опасност од струен удар. Се работи за модел WQG24500BY , баркод 4242005303526, димензии на спакуваниот производ (В,Ш,Г): 890 x 630 x 670 Сериски броеви: 463090530352008000; 463090530352008202; 463090530352008219; 463090530352008226; 463090530352008233; 463090530352008240 и 463090530352008257.

Производот потекнува од Полска. „На производот, системот за топлинска пумпа на производот WQG24500BY содржи електричен UMAC компресор поврзан со електрично напојување од 220 волти. Во текот на производството, електричното поврзување на компресорот не е направено во согласност со спецификацијата, така што доколку производот се вградува во домаќинство со електрична инсталација која не е во согласност со безбедносните упатства, постои ризик од струен удар“, се наведува во соопштението.