Триесет и едногодишна струмичанка е тешко повредена во сообраќајка на патот Струмица-Ново Село кај селото Дабиле. „Вчера во 20.00 часот во Полициската станица Струмица било пријавено дека на магистралниот пат Струмица – Ново Село, во село Дабиле, се случила сообраќајна несреќа помеѓу
патничко возило „форд“ со струмички регистарски ознаки, управувано од Р.Б.(24) од Струмица и патничко возило „опел“ со скопски регистарски ознаки, управувано од К.К.(27) од Струмица. Во несреќата со тешки телесни повреди се здобила сопатничката во возилото „опел“, Л.К.(31) од Струмица, констатирани во Медицински центар Струмица“, информираат од МВР. Увид на местото извршила екипа на Полициската станица Струмица.
