Познатиот фолк-пејач Слоба Радановиќ во емотивна и отворена исповед прозборе за бројни неоткриени детали од својот приватен и духовен живот, присетувајќи се на искушенијата од младоста, но и на цврстата поддршка што ја има во сопругата Јелена.
Радановиќ искрено се врати на периодот кога имал 19 години и кога првпат се соочил со сериозно љубовно разочарување и изневерување од тогашната девојка:
„Првпат ме изневери девојка на 19 години. Шетајќи со еден другар низ Зрењанин, ја видов на аголот од нејзината улица со друг дечко. Тој се исплаши дека ќе добие ќотек и се скри зад неа, а таа гласно го бранеше. Само мирно му реков: ‘Друже, јас со тебе немам ништо, а за тебе приказната е завршена.’ Подоцна имаше обиди да се смириме, но тоа за мене беше крај“.
Поврзани објави
Покрај спомените од младоста, Слоба го опиша и своето необично духовно искуство на Света Гора, каде што доживеал силен земјотрес додека престојувал во манастирот Хиландар, истакнувајќи ја восхитувачката смиреност на монасите кои продолжиле со службата и покрај потресите.
Пејачот не ја криеше и неизмерната благодарност кон сопругата Јелена, која ја нарекува свој најголем животен и деловен столб:
„Има голема вистина во тоа дека без неа не би можел. Јелена ми е огромна поддршка и за деловните и за приватните проекти. Неизмерно ѝ сум благодарен за сè што прави за нас — голема чест е да се има таква жена покрај себе“.
