Болеста на Лепа Брена можеше да се претвори во нешто посериозно…
Лепа Брена во 2010 година се соочи со голем здравствен проблем за кој немаше сили долго да зборува. Пејачката своевремено за „Блиц“ откри низ што поминала кога дознала дека има големи шанси да заболи од рак, а болеста ѝ била третирана навреме за да се избегне најлошото.
За ова зборувам првпат, во 2010 година имав сериозна операција на циста на јајниците. Мојот доктор Саша ми рече да го направам тој неславен БРЦА тест, каде што се покажа дека имам мутиран ген и дека имам големи шанси и можност да добијам рак на дојка. Тумор-маркерот, што го имав во тоа време, беше многу зголемен и итно отидов на операција за цистата на јајниците. Секако, за сето тоа молчев, но морам да ви кажам дека тоа беше многу голем шок за мене – изјави Брена апелирајќи до сите жени да одат на прегледи.
Жените треба да знаат, а јас тогаш научив дека кога БРЦА тестот е позитивен, веќе не смеете да користите никакви хормонски препарати. Почнав да живеам по сите тие правила што ми ги одредија лекарите. Сето ова сега го кажувам токму затоа што со оваа порака сакам да ја подигнам свеста на жените дека треба да направат тест затоа што веднаш знаете дали имате можност да заболите од рак или не. На овој начин можете да си ги зачувате животот и здравјето, бидејќи многу жени заболуваат од рак на грлото на матката, јајниците или дојката без воопшто да знаат од каде доаѓа.
Поврзани објави
Молчев сите овие години, до денес. Во исто време, Анџелина Џоли имаше мазектомија на дојка бидејќи беше позитивна на претходно споменатиот тест. Отидов кај професорот Светозар Дамњановиќ, кој ми објасни што и како може да се случи. Ако ми верувате, ден-два не си го знаев телефонскиот број, бев толку шокирана.
Бев многу исплашена, не знаев за себе. Толку се плашев да нема ги израснам моите деца, дека може да се случи сè. Ужасни слики ми блескаа низ мислите. Сепак, подобро е навреме да прифатите некои тешки факти и да знаете да се борите со нив отколку да бегате од вистината. Луѓето треба да се грижат за своето здравје. Тоа е најважно и најсуштинско – изјави тогаш Брена.
Фото: Инстаграм
