Преубав месец поради нежноста на сонцето, свежината на ноќите, изобилството на плодовите и позлатените полиња… Но септември за многумина е и малку „тешок“, бидејќи значи збогување со летото.
Во новиот број на „Убавина и здравје“, за вас трагавме по убавите нешта кои ќе ја обележат есенската сезона – од грижа за себе, модни трендови, активности за разубавување на секојдневието (стр. 45), до инспиративни приказни за жените што нè мотивираат.
Овој септември, посакавме да навлеземе и подлабоко во човечката душа, зборувајќи за теми кои се важни, како што се причините што можат да натераат некого да посегне по најскапоценото нешто – сопствениот живот (стр. 65).
Во сегментот „У&З жени“, ви ја донесуваме приказната од насловната – холивудската ѕвезда Деми Мур, како и интервјуа со креативни млади жени од домашната сцена кои владеат на социјалните мрежи. Покрај индивидуалните приказни, во нашата редакција се збогувавме со летото на свој начин – со нашата традиционална забава Bye, bye summer, за полесно да го пречекаме новиот сезонски ритам, полн со активности и нови можности.
Во новиот број, исто така, ќе најдете:
-
У&З тренд: есенски хитови, мача-топчиња а ла Кардашијан, беби-кркми, нов филм на Јоргос Лантимос и многу повеќе (стр. 13–22)
-
Убавина и стил: совети за нега, хидрирана коса, нежни допири и стилски проверки за есен 2025 (стр. 44–58)
-
Вити и здрави: важни теми за превенција на самоубиства, репродуктивно здравје и есенски настинки (стр. 66–72)
-
У&З живот: патувања што лекуваат, тајните на фаталната жена, практични оброци и инспиративни приказни од нашите соговорници (стр. 73–89)
Поврзани објави
Се подготвивме да уживаме во убавината на есента, со внимание кон себе, здравјето и инспирацијата околу нас. На насловната оваа есен, со насмевка и елеганција, е Деми Мур – славна и обична, вистински симбол на женска сила и автентичност.
Следниот број излегува во октомври – ве очекуваме со нови идеи, инспирации и трендови!
НА НАСЛОВНАТА: ДЕМИ МУР
ФОТО: ПРОФИМЕДИА
