Бившиот партнер на популарната пејачка истакнал дека неговата врска со неа не му помогнала во кариерата.
Марија Шерифовиќ со години го чувала својот љубовен живот далеку од очите на јавноста, но една од нејзините познати врски била со црногорскиот пејач и актер Славко Калезиќ. Оваа романса се случила во 2007 година, кратко по победата на Марија на Евросонг со песната “Молитва“. Нивната љубовна приказна траела шест месеци и во тој период не ги криеле емоциите од јавноста.
Славко за врската со Марија зборуваше во популарната емисија “Ами Г Шоу” со водителот Огњен Амиѓиќ, каде што истакна дека таа врска не му помогнала во кариерата.
“По нејзината победа бевме заедно. Искрено, тогаш разговаравме, но искрено ми не ми помогна во кариерата, имав своја стратегија”, рече Калезиќ.
Поврзани објави
Од друга страна, Марија за нивниот прекин изјави дека причина била физичката дистанца и нејзината посветеност на работата.
“Морам да се фокусирам на работа и не сакам никого да оптоварувам. Љубов на далечина едноставно не опстојала”, рече таа.
Иако многумина сметаа дека неговата врска со Марија му помогнала да се искачи, Славко продолжи со својот уметнички пат и десет години подоцна, 2017 година, ја претставуваше Црна Гора на Евросонг со песната “Space”. Исто така, се обиде и во британското шоу “X Factor”, каде привлекол внимание со своите ексцентрични настапи и избор на костуми.
Еден од најзабележителните моменти од неговата кариера се случи токму на тој натпревар кога му падна препознатливата “кикица”, која стана негов заштитен знак. Негов стил, кој вклучуваше необични костуми како комбинација на здолниште и проѕирна маица, а потоа и проѕирен комбинезон, секогаш предизвикувал коментари и привлекувал внимание на јавноста.
Денес, Славко Калезиќ е мултимедијален уметник и многу е активен на социјалните мрежи, каде што со своите следбеници споделува моменти од својот живот и кариера. Исто така, неговиот изглед значително се променил во однос на периодот кога бил во центарот на вниманието на јавноста поради својата врска со Марија Шерифовиќ.
