Кралството Саудиска Арабија и Република Индија се спогодија да ја интензивираат соработката во доменот на испорака на сирова нафта и течен нафтен гас, како што е наведено во заедничкото соопштение од страна на саудискиот престолонаследник Мохамед бин Салман и индискиот премиер Нарендра Моди.
Двете држави постигнаа спогодба и за зајакнување на одбранбените релации и подобрување на кооперацијата во изработката на воена и одбранбена опрема, исто така и во сферата на агрикултурата и безбедноста на храната.
“Ја поздравуваме одличната соработка меѓу нашите две земји во борбата против тероризмот и финансирањето на тероризмот”, се подвлекува во заедничката изјава.
Саудиска Арабија и понатаму претставува еден од главните снабдувачи на нафта за Индија.
Моди ја прекина својата визита во Саудиска Арабија и се врати во Њу Делхи поради нападот на територијата Џаму и Кашмир, во кој животот го загубија 26 лица.
