Table of Contents
Одржувајте го клима-уредот на едноставен начин
Клима-уредите речиси секојдневно работат во текот на летото, но притоа, во нивната внатрешност се собираат влага, прашина и други нечистотии. Токму затоа, одредени модели имаат функција за самопрочистување, која може значајно да го олесни одржувањето на уредот.
На далечинскиот управувач на одредени клима-уреди, има копче означено со Clean, додека кај други произведувачи, оваа опција може да се вика Active Clean или iClean. Неговата намена е да покрене автоматска програма за чистење на внатрешноста на уредот.
Како функционира самопрочистувањето?
Кога се активира функцијата Clean, климата поминува низ неколку фази за време на кои, внатрешната единица се третира на начин што придонесува за отстранување на наслагите од испарувачот.
Кај одредени модели, процесот подразбира наизменично замрзнување и одмрзнување на испарувачот. На тој начин, може да се одвојат прашината, маснотиите и другите нечистотии кои со текот на времето се наталожиле на површината.
Потоа, може да следи фаза на загревање, а потоа и сушење на внатрешната единица. Целта е да се отстрани што повеќе заостаната влага, бидејќи токму влажната средина предизвикува појава на непријатни мириси и мувла.
Што значи ознаката CL?
Кај некои уреди, по активирањето на програмата, на дисплејот се појавува ознаката CL. Тоа покажува дека покренат е циклус на самопрочистување и не претставува проблем.
Поврзани објави
За време на овој процес, клима-уредот може да произведува звуци како пуцкање. Тие може да настанат поради ширењето и собирањето на пластичните делови, како последица на промената на температурата и најчесто не се причина за загриженост.
Целиот циклус кај одредени модели трае околу 28 минути, по што уредот автоматски се исклучува, ознаката CL исчезнува од дисплејот.
Може да помогне против непријатни мириси
Редовното користење на оваа функција може да биде корисно, особено во периодот кога уредот работи секојдневно. Влажноста што останува во внатрешната единица е еден од факторите кои можат да придонесат за појава на непријатен мирис.
Затоа, самопрочистувањето може да помогне внатрешноста на уредот да остане сува и чиста, но не треба да се смета за замена на редовното професионално чистење и одржување на клима-уредот.
Немаат сите уреди иста функција
Важно е да се има предвид дека начинот на работа се разликува од модел до модел. Некои клими имаат посебно копче Clean, додека кај други, функцијата се активира со поинаква комбинација на копчиња.
Затоа, пред користење треба да се провери упатството за конкретниот модел на клима-уред. Таму е наведено дали уредот поддржува функција за самопрочистување, како таа се активира и колку трае.
Сепак, ако на далечинскиот управувач постои копче Clean, вреди да се провери неговата намена. Со едно притискање може да се покрене програма која сама поминува низ фазите на чистење и сушење на внатрешната единица, што може да биде практичен додаток на редовното одржување на клима-уредот.
