Граѓаните положија цвеќе и запалија свеќи
Студенти и граѓани се собраа денеска пред македонската амбасада во Белград. Сите молчеа. За 60-те згаснати животи во Македонија и за 15-те настрадани во Нови Сад. Нивната тишина одекнуваше посилно од секој збор.
Тие им оддадоа почит на загинатите во пожарот во дискотеката во Кочани и загинатите на железничката станица во Нови Сад, со 75-минутен молк.
Граѓаните положија цвеќе и запалија свеќи, а им се приклучи и македонскиот амбасадор во Србија.
Поврзани објави
Молкот заврши со зборовите: „Слава им“.
Пред Амбасадата беше истакнат транспарентот:
„Не бевме сами, бидејќи оние што љубат секогаш се многу побројни.“
Улицата пред Амбасадата беше затворена, а по завршувањето на оддавањето почест, студентите се вратија на своите факултети.
