Властите на Косово се движат кон ескалација, западните земји треба да извршат притисок врз Приштина и да ја принудат да се откаже од своите милитантни планови и да ги исполни своите обврски, изјави рускиот заменик министер за надворешни работи Александар Грушко за Спутник.
„Со голема загриженост го следиме развојот на ситуацијата во и околу Косово. Гледаме дека косовските „власти“ водат политика на ескалација и очигледно е дека се потпираат на поддршката, отворена и скриена, од нивните покровители, пред се од Европската Унија и Вашингтон“, рече Грушко.
Според неговите зборови, „сите кои влијаат на политиката на однесувањето на Косово треба да извршат притисок врз него во насока на изнаоѓање политичко решение“.
Ситуацијата на северот на Косово сега е стабилна и без тензии откако Косово ослободи двајца Срби кои беа во притвор, а Србите ги остстранија барикадите.
