Во Романија тековно се градат 15 болници со финансиска помош од Националната програма за обнова и издржливост (НПОИ), објави министерот за здравство, Александру Рогобете, на конференција за медиуми.
Според неговите зборови, 12 од болниците ќе бидат поддржани со донации, а останатите три со кредити.
“За прв пат по 35 години, во Романија се градат 12 нови болници, на кои додаваме три кои ќе бидат изградени со кредит. Не велам дека изворот на финансирање не е важен, бидејќи тој е многу важен. На нив додаваме уште три кои ќе бидат изградени со средства од Светска банка”, нагласи министерот.
Министерот за здравство укажа дека ова е првпат во последните 35 години во Романија да се конструираат толку многу нови здравствени установи. Вредноста на Националната програма за обнова и издржливост на Романија надминува 28 милијарди евра, кои треба да се искористат преку осум транши, по реализација на стотици реформи и инвестиции.
“Значи, ако треба да направиме пресметка, во последните три години во Романија почна изградбата на речиси 20 нови болници, што никогаш не е направено во последните 35 години”, потенцираше министерот Рогобете.
јт/Фото: Рогобете на Фејсбук.
