Претседателката на државата Гордана Сиљановска Давкова денеска примила членови на Комисијата за спречување и заштита од дискриминација (КСЗД).
На средбата членовите на Комисијата ја запознале претседателката Сиљановска Давкова со тековните активности, обемот на поднесените претставки, донесените одлуки и бројот на досега утврдените случаи на дискриминација.
Во таа насока, како што соопштија од кабинетот на Сиљановска Давкова, ја потенцирале нивната заложба за транспарентност, достапност и проактивност во елиминирање на сите видови дискриминација и промоција на човековите права.
Нагласувајќи ја исклучително важната улога на КСЗД, како самостоен и независен орган, претседателката Сиљановска Давкова ја изразила нејзината безусловна поддршка на активностите за спречување и заштита од дискриминација на граѓаните, како основен предуслов за градење демократско општество.
На средбата присуствувале претседателот на Комисијата Игор Јадровски, заменик претседателот Лимко Бејзароски и членовите Флора Кадриу, Драгана Дрндаревска и Душан Томшиќ.
цр/ев/Фото: Кабинет на претседателката на државата Гордана Сиљановска Давкова .
Извор: МИА
