Откако го поминавме летото во балон здолништа, а потоа откривме балон шорцеви и балон панталони, време е да ја внесеме оваа волуменозна форма што ни нуди толку многу можности за стилизирање во есен.
Балон тренч пристигна на улиците! Ќе го препознаете по неговиот волумен: најчесто во ракавите, понекогаш во грбот или по целата силуета. Не ја менува основата на популарниот капут, туку додава мекост, леснотија и модерен пресврт.
Што е балон-тренч?
Балон-тренчот е стил на палто во кој одредени елементи од класичниот тренч крој се надуени или проширени, најчесто ракавите, а понекогаш и грбот (задниот дел), рамената или долниот дел. Овој додаден волумен создава балон-ефект: поширок и поразигран крој во некои делови, додека остатокот останува во рамките на класичниот модел: копчиња, постава, ремен, јака, сè што обично го сакаме кај трнчот. Токму ова го прави балон-тренчот да комбинира две главни модни карактеристики за оваа есен, кои обично се наоѓаат на двата краја од спектарот: структура и волумен.
Поврзани објави
Фото: Instagram/ @sssuugggaarrr
