Table of Contents
Шпанскиот ручек можете да го надополните со црвено вино или со освежителна сангрија
Шпанската кујна е богата, разновидна и полна со вкусови, одразувајќи го културното и географското богатство на Шпанија. Мешањето на различните култури и локалните намирници низ вековите, го обликувале единствениот кулинарски идентитет на оваа земја.
Паелја со морски плодови
Паелјата е заштитен знак на шпанската кујна, а ние ви ја предлагаме класичната верзија со морски плодови.
Состојки:
- 300 г ориз за паелја (тркалезно зрно)
- 500 г мешавина од морски плодови (ракчиња, школки, лигни)
- 1 црвена пиперка (исечкана на ленти)
- 1 зелена пиперка (исечкана на ленти)
- 2 домата (рендани)
- 1 главица кромид (ситно сечкана)
- 3 чешниња лук (ситно сечкани)
- 1 л рибен бујон
- 1 лажиче мелена слатка пиперка
- 1 прстофат шафран
- маслиново масло
- сол и бибер по вкус
- лимон за послужување
Приготвување:
Пропржете кромид и лук на маслиново масло додека омекнат. Додајте пиперки и домат, па динстајте додека омекне зеленчукот. Додајте ориз, мешајте неколку минути, па додајте шафран и мелена пиперка.
Постепено сипувајте го рибниот бујон и мешајте. На крај, додајте ги морските плодови, покријте со капак и гответе додека оризот ја впие течноста (околу 20 минути). Послужете со резанки лимон.
Гаспачо
Состојки:
- 1 кг зрел домат (излупен и сечкан)
- 1 црвена пиперка
- 1 зелена пиперка
- 1 краставица (излупена и сечкана)
- 2 чешниња лук
- 50 г леб (без кора, потопен во вода)
- 3 лажици маслиново масло
- 2 лажици вински оцет
- сол и бибер по вкус
Поврзани објави
Приготвување:
Во блендер ставете домат, пиперка, краставица, лук и леб. Додајте маслиново масло, оцет, сол и бибер. Матете додека добиете хомогена смеса. Послужете го гаспачото ладно, со коцки краставица и пиперка за декорација.
Шпански омлет
Оваа шпанска тортилја од компири е вкусна и може да се послужи како главно јадење со салата.
Состојки:
- 5 компира (излупени и исечкани на тенки резанки)
- 1 главица кромид (ситно сечкана)
- 5 јајца
- маслиново масло
- сол и бибер по вкус
Приготвување:
Пропржете го компирот на маслиново масло додека омекне, па додајте кромид и динстајте уште неколку минути. Во голема чинија изматете јајца, додајте сол и бибер, па во смесата додајте ги компирот и кромидот.
Вратете сè во тавче, покријте со капак и печете на средна температура додека зарумени долната страна. Свртете ја тортилјата со помош на чинија и печете ја другата страна уште неколку минути.
Послужете го шпанскиот омлет исечкан на триаголници или коцки.
ФОТО: Unsplash, Pixabay
